16 лістапада адзначаецца Міжнародны дзень талерантнасьці.

Успамінаюцца словы Хенрыка Ягадзінскага: “Будзь не такім, як іншыя, і дазволь іншым быць іншымі.”

У 1995 годзе на 28-ай Генеральнай канферэнцыі ЮНЭСКА была прынята "Дэкларацыя прынцыпаў памяркоўнасьці".

У гэтым дакуменце былі разгледжаны пагрозы чалавецтву, якія нясе няцерпнасьць, прапанаваны метады і праграмы барацьбы з няцерпнасьцю.

"…людзі па сваёй прыродзе адрозьніваюцца па вонкавым выглядзе, сацыяльнаму становішчу, гаворцы, паводзінам і каштоўнасцям і валодаюць правам жыць у сьвеце і захоўваць сваю індывідуальнасць" - словы Дэкларацыі.

Учора быў на адкрыцці міжнароднага фэсту імя Юрыя Башмета, што адбыўся ў будынку Нацыянальнага Акадэмічнага Вялікага тэатра оперы і балета. Асобна стаіць гісторыя пра набыццё квіткоў на гэтае мерапрыемства, кажучы адным словам – гэта  было неапісальна цяжка…

Быў такі неверагодны аншлаг, што нават нашыя салісты балета сядзелі на прыстаўных крэслах, а шмат хто проста глядзеў стоячы…

Шмат хто быў і з высокапастаўленых асоб…

І тое, што мы пачулі і ўбачылі, - было фантастычна! “Вечар Кармэн”… Жывая класічная музыка ў вельмі якасным выкананні Дзяржаўнага сімфанічнага аркестра “Новая Расія” пад кіраўніцтвам Ю.Башмета, цудны голас салісткі Баварскай оперы Алены Максімавай, віртуознае сола  дыпламанта Лонданскай Каралеўскай акадэміі музыкі Расціслава Крымера (фартэпьяна) і  Алены Баевай (скрыпка)….

Але галоўнае, дзеля чаго прыйшла большая частка публікі, чакала ў другім аддзяленні… да нас, нарэшце, прыехала ЯНА – сусветна прызнаная Каралева таго мастацтва, якое сціпла завецца “Балет”, непараўнальная і чароўная прыма-балерына Марыінскага тэатра Ўльяна Лапаткіна. Кармэн у яе выкананні – цуд, які трэба бачыць, да якога я ўчора меў шчасце “дакрануцца”… Я выйшаў з тэатра, нібыта нарадзіўшыся ізноў… з вельмі адмысловым пачуццём задавальнення. І пачуццём нейкай зайздрасці, што жыхары паўночнай сталіцы Расіі могуць бачыць ЯЕ па некалькі разоў на год…
Дарэчы, нядрэнны артыкул надрукавала напярэдадні "СБ":
http://www.sb.by/post/91911/

Перагортваючы набыты нядаўна першы том “Вялікага гістарычнага атласа Беларусі”, выпадкова звярнуў увагу на тое, што хутка, у 2014 годзе, будзем адзначаць 500-годдзе!!!!! Аршанскай бітвы. Разумеючы, што любая ўвага да гэтай падзеі немінуча будзе мець і палітычны складнік, злавіў сябе на сумным пытанні:"Няўжо ў нас не нададуць гэтай падзеі хоць трошкі дзяржаўнага значэння?" Адказу не знайшоў.

З задавальненнем пабываў учора на канцэрце Робіна Гіба (у суправаджэнні Прэзідэнцкага аркестра РБ). Цудоўная музыка, жывы гук, вядомыя кожнаму хіты, аншлаг (у крызіс!!!). І вельмі шмат прыемных эмоцый.

Князь Мацей Радзівіл падчас наведвання Беларусі распавёў пра Вялікае Княства Літоўскае – дзяржаву, якая “была прыкладам для ўсіх: яна была вельмі талерантнай. Да таго ж там не было шмат падаткаў. Гэта была дзяржава, якая не нападала на іншыя краіны. Нашая сям’я жыла і ў Літве, і ва Украіне, і ў Беларусі, і ў частцы Польшчы, якая ўваходзіла ў склад ВКЛ. Я ведаю, што цяпер людзі шмат дыскутуюць, ці Літва з’яўляецца сэрцам Літоўскага княства. А мне здаецца, што цэнтр Вялікага княства - гэта Беларусь. Дыскусія не мае сэнсу, таму што сэрца Княства б’ецца тут, у кожным чалавеку, які марыць іміграваць у тую легендарную краіну.”

http://news.tut.by/society/138092.html

Апошнія словы асабліва блізкія мне… Але гэта толькі мары, прычым нязбытныя...

Па дадзеных спецыялістаў паважанай міжнароднай сацыялагічнай службы Gallup, Беларусь займае  першае месца ў свеце па суіцыдах – 36,8 чалавек на 100 тысяч насельніцтва. http://news.tut.by/135796.html

Беларусь займае шостае месца ў спісе краін па колькасці курцоў (у нас паляць 42,4% насельніцтва).

http://www.charter97.org/ru/news/2009/1/20/14191/

У Беларусі ў 2008 годзе спажыванне алкаголю на душу насельніцтва склала 12,5 літраў чыстага спірту (уключна немаўлят), у той час як па дадзеных Сусветнай Арганізацыі Аховы здароўя спажыванне алкаголю звыш 8 літраў вядзе да дэградацыі нацыі. Што датычыцца сталіцы, па колькасці спіртных напояў на душу насельніцтва Менск уваходзіць у тройку лідэраў сярод еўрапейскіх сталіц — амаль 12 літраў абсалютнага алкаголю на чалавека ў год. У такой жа колькасці п'юць толькі ў Маскве і Вільнюсе — па 56 бутэлек гарэлкі ў год на аднаго чалавека. http://naviny.by/rubrics/society/2009/02/18/ic_articles_116_161285/

Што нас чакае?

Штодня, пачынаючы з мінуўшай нядзелі, вежавы гадзіннік ратушы ў Осла шэсць разоў у суткі вызвоньвае мелодыю песні “Fairytale”, якая прынесла Нарвегіі перамогу на «Еўрабачанні». І так будзе на працягу найбліжэйшых тыдняў. Сталічныя жыхары, якія прызвычаіліся да класічнага рэпертуара, не асуджаюць майстра Вегара Сандхольта, які адказвае за «галоўны гадзіннік» сталіцы, за такія адносіны да аднаго з нацыянальных сімвалаў. Таму што «казачная песня» Аляксандра Рыбака стала ледзь не другім гімнам краіны.

http://www.belta.by/ru/news/kaleidoscope?id=372371

Лепш гэтую мелодыю граў бы гадзіннік на Менскай ратушы....))